"Милан" дарвозабони Майк Меньян келажакдаги мақсадлари ҳақида гапирди.
Ўтган ёзда француз дарвозабони "Бавария" ва Aнглия Премьер-лигаси клубларига ўтиши мумкин бўлганди, аммо "Милан"да қолганди.
“Менинг мақсадларим кўп, уларни амалга оширишни истайман. Мен ўз салоҳиятимни тўлиқ рўёбга чиқармоқчиман ва тарихда из қолдирмоқчиман.
Шаҳарда мухлисларимиз билан A Серия ғалабасини нишонлаётганимиздаги муҳитни эслайман – бу ақл бовар қилмас ва ўзига хос эди. "Милан" мен учун бир оиладек бўлиб қолди, мен бу ерда барча совринларни қўлга киритишни хоҳлайман", - деди 2021 йилдан буён "россонерилар"да ўйнаб келаётган Меньян.
