"Локомотив"нинг ўзбекистонлик ҳимоячиси Виталий Денсов "Советский спорт — футбол" ҳафтаномасига интервью бериб, жамоага қай тариқа мослашиб кетгани ҳақида гапириб берди.

"Локомотив" ҳақида фақат илиқ фикрларни айтишим мумкин. "Локо" мен учун янги жамоада бўлса-да, Тарасов, Самедов, Шишкин, Глушаков каби йигитлар билан яхши таниш эдим. Улар билан ёшлар футболи, турли ўтиришларда кўришганман. Жамоадаги йигитлар билан осон тил топишиб кетамиз деган фикр келганди. Бу ҳиссиёт алдамчи бўлиб чиқмади. Сўраган нарсамни айтишади. Мураббийлар ҳам ҳозирча менга нисбатан эътироз билдиришмади. Барчаси ёқмоқда", дейди футболчи.

Одатда, Россия ёки Украина чемпионатларида ўйнаётган ўзбекистонлик футболчилардан ош қилиб беришни сўрашади.

"Бундай илтимослар ҳайрон қолдирмай қўйган. Биласизми, футболчилар ўзаро қандай суҳбатлашишади? — «Сен қаерда туғилгансан?». — «Ўзбекистонда». — «Демак, ош қилишни биласан». Одатда қовун, магиз, туршак олиб келишни сўрашади. Мустақил равишда ош тайёрлай олмасам керак. Кимдир ёрдам берса, тайёрлашим мумкин!", дейди Денисов.