"Real Madrid Exclusivo" журналистлари нима учун "Реал Мадрид" жорий мавсум охиригача Лондоннинг "Челси" клубидан ижарага олинган дарвозабон Кепа Аррисабалага ҳуқуқларини сотиб олмоқчи эмаслигини тушунтиришди.
"Қироллик" клубининг бу қарорига икки омил таъсир кўрсатди. Биринчиси, дарвозабоннинг "Лос-Бланкос"даги ноаниқ ўйинлари, иккинчиси, футболчининг юқори маоши. Мадриднинг “Реал” клуби дарвозабон Лондонда оладиган 8 миллион евро маошни Кепага беришга тайёр эмас.
Шу тариқа, мадридликлар жароҳатини даволаётган белгиялик Тибо Куртуа ва украиналик Андрей Лунинга ишонишда давом этади.
