ФИФА янги яратилган платформа орқали реал вақт режимида халқаро трансфер қоидаларига риоя қилмайдиган ва шунинг учун футболчиларни рўйхатдан ўтказа олмайдиган клубларни эълон қилади.
"Шаффофликни таъминлаш ва ФИФА суд органлари фаолияти ҳақидаги маълумотларнинг тўлиқ ошкор этилишини таъминлаш бўйича олиб борилаётган саъй-ҳаракатларга мувофиқ, ташкилот янги ўйинчиларни рўйхатдан ўтказиш тақиқланган клублар рўйхатини кўрсатувчи рақамли платформани ишга туширди.
Ушбу янги платформада асосий мақсад манфаатдор томонларга, жумладан, футболчилар ва клубларга, шунингдек, кенг жамоатчиликка ҳозирда янги ўйинчиларни рўйхатдан ўтказиш тақиқланган барча клублар ҳақида умумий маълумот беришдан иборат", — дейилади ташкилот сайтида.
