Кот-д`Ивуар терма жамоаси, "Манчестер Сити" ва "Барселона" клубларининг собиқ ярим ҳимоячиси Яя Туре Африка Миллатлар Кубогида иштирок этаётган терма жамоасига омад тилади.
"Биз саёҳатимизни Африка Миллатлар Кубогида бошлаймиз, шунингдек, турнирни мезбон давлат сифатида дунё эътиборини ўзимизга қаратамиз.
Мен бор эътиборимни Саудия Арабистонидаги ишим ва унинг Осиё Кубогидаги ўйинларига қаратган бўлсам-да, ғурурли Кот-д’Ивуарлик сифатида жамоам ва ўз мамлакатимни қўллаб-қувватлайман", — деди пост қолдирди Туре ижтимоий тармоғида.
Эслатиб ўтамиз, кеча, 13 январ куни Кот-д’Ивуар терма жамоаси очилиш учрашувида Гвинея-Бисау терма жамоасини 2:0 ҳисобида мағлуб этганди. 18 январ куни Кот-д’Ивуар терма жамоаси Нигерияга (18 январь), 22 январ куни эса Экваториал Гвинеяга қарши баҳс олиб боради.
Туре ҳозирда Саудия Арабистони терма жамоасида ёрдамчи мураббий бўлиб ишлайди.
