Карло Анчелотти "Реал Мадрид" бошқарувидаги совринлар сони бўйича Зинедин Зиданга етиб олди.
Бугун "Реал Мадрид" турнир финалида "Барселона"ни мағлуб этиб (4:1) Испания Суперкубогини қўлга киритди.
Анчелотти "Реал Мадрид" бош мураббийи сифатида ўзининг 11-кубогини қўлга киритди. Италиялик мутахассис бу кўрсаткич бўйича Зинедин Зидан билан тенглашди.
"Реал Мадрид" тарихидаги энг титулли мураббий - Мигель Муньос - унинг қўл остида Мадрид клуби 14 та совринни қўлга киритди.
Қолаверса, Анчелотти клуб бош мураббийи сифатидаги ўйинлар сони бўйича Зиданни ортда қолдирди - 264 ва 263. Улардан фақат Муньос олдинда - 605 учрашув.
Анчелотти қўл остида мадридликлар 192 марта ғалаба қозонган, 34 марта дуранг ўйнаган ва 38 учрашувда мағлуб бўлган. 637та гол урилган, 238та гол ўтказиб юборилган. Зидан қўл остида 172та ғалаба, 55та дуранг, 36та мағлубият, умумий ҳисоб 596:263.
