Миср терма жамоаси Африка кубоги гуруҳ босқичи 1-турида Мозамбик билан дуранг ўйнади – 2:2.
Мисрликлар 2-дақиқада Мостафа Муҳаммаднинг голи эвазига ҳисобда олдинга чиқиб олишди. Унга Муҳаммад Салоҳ ассист берди.
Мозамбик терма жамоаси 55-дақиқада Витининг саъй-ҳаракатлари билан ҳисобни тенглаштирган бўлса, орадан уч дақиқа ўтиб Клезио Бокенинг голи эвазига жамоа олдинга чиқиб олди.
Миср терма жамоасига 90+7-дақиқада пенальтини аниқ амалга оширган Салоҳнинг голи 1 очко келтирди.
“B” гуруҳининг бошқа ўйинида Гана ва Кабо-Верде терма жамоаси билан ўйнайди.
