Кот-д’Ивуарлик ярим ҳимоячи Франк Кессье футбол майдонида кўп югуриши ҳақида гапирди.
"Мен кўп югуришдан қўрқмайман. Жамоадошлар: "Буни қандай қиляпсиз?" - деб сўрашади. Бу мен учун табиий, деб жавоб бераман. Мен футбол майдонида тер тўкиш учун жуда кўп пул топаман. Африкада ҳар куни эрталаб бир бўлак нон учун 20 мил йўлни пиёда босиб ўтадиган одамлар бор", - деди Кессье Football Tweet билан суҳбатда.
Клуб даражасида 27 ёшли Франк Кессье "Ал-Аҳли" шарафини ҳимоя қилади. Аввалроқ ярим ҳимоячи Европада “Аталанта”, “Чезена”, “Барселона” ва “Милан” клубларида ўйнаган.
