"Манчестер Юнайтед" "Лилл"нинг 18 ёшли марказий ҳимоячиси Лени Йорога қизиқиш билдирмоқда. Франциянинг RMC Sport нашри хабарига кўра, "манкунианликлар" ҳимоячининг трансфери бўйича французларга мурожаат қилишган.
Ёш футболчининг "Лилль" билан шартномаси бир ярим йилдан кейин тугашини ҳисобга олсак, клуб раҳбарияти шу ойда Ленини қўйиб юбориши мумкин, чунки ҳаммаси французнинг янги шартнома имзоламайдиган ҳолатига етиб бормоқда.
Йоро бошқа Европа гигантлари учун ҳам қизиқ экани аввалроқ хабар қилинганди. Марказий ҳимоячига даъвогарлар орасида “Реал”, “Ливерпуль”, “Бавария” ва “ПСЖ” клублари бор эди.
