"Бавария" вингери Лерой Сане тез орада клуб билан шартномасини муҳокама қилади.
Охирги хабарларга кўра, 28 ёшли футболчи мюнхенликлар раҳбарияти билан музокарага киришишга шошилмаяпти, бироқ вазият ўзгариши мумкин.
Sky Sport хабарига кўра, янги агентлар яқин ҳафталарда "Бавария" билан мулоқот қилишни режалаштиришган.
Шунингдек, футболчи вакилларининг клуб билан муносабатлари аъло даражада эканлиги қайд этилган.
Немис футболчиси "Бавария" билан узоқ муддатли ҳамкорликка қизиқиш билдирмоқда, аммо барибир келажакда Aнглияга қайтиш эҳтимолини истисно этмаяпти.
