"Бетис" "Лион" ва Аргентина терма жамоаси ҳимоячиси Николас Тальяфико хизматларига қизиқиш билдирмоқда, деб хабар берди журналист Экрем Конур ижтимоий тармоқда.

Манбага кўра, испан клуби яқин орада футболчининг трансфери бўйича расмий сўров билан чиқади. 31 ёшли футболчининг "Лион" билан шартномаси 2025 йилнинг ёзига қадар мўлжалланган.

Transfermarkt портали аргентиналик футболчини саккиз миллион еврога баҳоламоқда. Жорий мавсумда 2022 йилги жаҳон чемпиони жамоаси таркибида барча турнирларда 17 та ўйинда қатнашиб, ўз жамоадошларига битта гол ва битта голли узатма ёздириб қўйган.