Қатар терма жамоаси бош мураббийи Маркес Лопес Осиё кубоги чорак финал босқичи доирасида Ўзбекистонга қарши бўладиган ўйинда ғалабага ишонаётганини айтиб ўтди.

"Ўзбекистонга қарши ўйин асосан жисмоний жанг бўлади, деб ўйлайман. Ўзбекистон терма жамоасининг ўйинчиларини жуда яхши биламан. "Ал-Вакра" бош мураббийи бўлганимда Осиё чемпионлар лигаси мусобақасида бир неча марта улар билан тўқнаш келганмиз. Рақиб футболчилари қандай маҳоратга эга эканидан хабарим бор.

Энг муҳими, биз ўз кучимизга таянамиз ва ўйинда ғалаба қозонишга ҳаракат қиламиз. Ўзбек футболчиларида маҳорат, сифат ва тезлик бор. Айтиб ўтганимдек, бу жисмоний жиҳатдан жанг бўлади. Менинг шогирдларим эса жисмоний жиҳатдан яхши тайёргарликкка эга. Боз устига, гуруҳ босқичида мен ротация қилиш орқали уларнинг яхшироқ тайёргарликка эга бўлишига ҳаракат қилдим.

Ўз ўз мақсадимизга эришиб, чорак финалгача етиб келдик. Агар ким Қатарни финалга чиқа олмайди, деб ўйласа, бу унинг иши", — деди испаниялик мутахассис.