Саудия Арабистонининг "Ал-Ҳилол" клуби ва Бразилия терма жамоаси ҳужумчиси Неймар бугун, 5 февраль куни 32 ёшга тўлди.
Кўплаб машҳур интернет нашрлари ижтимоий тармоқдаги саҳифаларида машҳур футболчини туғилган куни билан табриклади. Неймар ўзининг профессионал фаолиятини Бразилиянинг "Сантос" клубида бошлаган ва 2009 йилнинг март ойида асосий жамоада дебют қилган. 2013 йилда ҳужумчи "Барселона"га кўчиб ўтди ва у ерда икки марта Испания чемпиони бўлди, мамлакат кубоги, Суперкубоги, Чемпионлар лигаси ва ФИФА клублар ўртасидаги жаҳон чемпионатида ғолиб чиқди. 2017 йилда Неймар Франциянинг "ПСЖ" клуби таклифига ўтди ва улар таркибида олти йил ўйнади.
Ўтган ёзда Неймер Саудиянинг "Ал-Ҳилол" клубига ўтганди, аммо 2023 йилнинг октябрида ҳужумчи тиззасини шикастлаб, шундан сўнг у операция қилинган ва шу сабабли мавсум охиригача ўйнай олмайди. Нуфузли Transfermarkt интернет портали 32 ёшли бразилиялик футболчининг бозор қийматини 45 миллион еврога баҳоламоқда.
