Saudiya Arabistonining "Al-Hilol" klubi va Braziliya terma jamoasi hujumchisi Neymar bugun, 5 fevral kuni 32 yoshga to‘ldi.
Ko‘plab mashhur internet nashrlari ijtimoiy tarmoqdagi sahifalarida mashhur futbolchini tug‘ilgan kuni bilan tabrikladi. Neymar o‘zining professional faoliyatini Braziliyaning "Santos" klubida boshlagan va 2009 yilning mart oyida asosiy jamoada debyut qilgan. 2013 yilda hujumchi "Barselona"ga ko‘chib o‘tdi va u yerda ikki marta Ispaniya chempioni bo‘ldi, mamlakat kubogi, Superkubogi, Chempionlar ligasi va FIFA klublar o‘rtasidagi jahon chempionatida g‘olib chiqdi. 2017 yilda Neymar Fransiyaning "PSJ" klubi taklifiga o‘tdi va ular tarkibida olti yil o‘ynadi.
O‘tgan yozda Neymer Saudiyaning "Al-Hilol" klubiga o‘tgandi, ammo 2023 yilning oktyabrida hujumchi tizzasini shikastlab, shundan so‘ng u operasiya qilingan va shu sababli mavsum oxirigacha o‘ynay olmaydi. Nufuzli Transfermarkt internet portali 32 yoshli braziliyalik futbolchining bozor qiymatini 45 million yevroga baholamoqda.
