"Барселона" ёзда "Ювентус" ярим ҳимоячиси Адриен Рабьони сотиб олмоқчи.

28 ёшли франциялик футболчининг туринликлар билан шартномаси 2024 йилнинг июнида якунига етади ва "Ювентус" ҳали Рабьога ҳамкорликни узайтириш бўйича таклиф билан чиққани йўқ.

"Барселона" ўта заиф молиявий аҳволда қолмоқда ва ортиқча пул сарфлай олмайди, бу эса эркин агентларни ўз сафига қўшиб олишни Каталония клуби учун қулай вариантга айлантиради.

3Cat телеканали хабарига кўра, "Барселона" Рабьо "Ювентус" билан янги шартнома имзоламаса, ёзда уни текинга қўлга киритмоқчи.