Туриннинг “Ювентус” клуби бош мураббийи Массимилиано Аллегри жорий мавсум якунида жамоасини тарк этиши мумкин. Tuttosport хабарига кўра, италиялик мутахассис раҳбариятдан 2025 йилнинг ёзида тугайдиган шартномасини узайтиришни талаб қилмоқда.

Акс ҳолда, Аллегри келаси ёзда жамоани тарк этади. Эслатиб ўтамиз, Аллегри қўл остида “Ювентус” жорий мавсумдаги натижаларини яхшилади.

Жамоа айни дамда Италия А сериясида иккинчи ўринни эгаллаб турибди ва кейинги мавсумда Чемпионлар лигасига қайтиш учун ажойиб имкониятга эга. Аллегри 2014 йилдан 2019 йилгача “Ювентус”ни бошқарган, 2021 йилнинг ёзида эса жамоага қайтган.