Бугун Осиё кубогининг ярим финалидан ўрин олган Қатар ва Эрон терма жамоалари ўртасидаги ўйин олдидан эронлик мухлислар чипталар тақсимоти бўйича ўз норозилигини билдиришмоқда.
44,400 кишига мўлжалланган "Ал Тумама" стадионидан эронлик мухлислар учун бор-йўғи 1,000 та чипта ажратилган. Чипталарнинг катта қисми мезбон жамоа сифатида маҳаллий мухлисларга берилган. Аммо, халқаро мусобақаларда чипта тақсимланаётганда "мезбон" ёки "меҳмон" тушунчалари бўлмаслиги лозим. Ўтган йилги Жаҳон чемпионатида ҳам чипталар тақсимотида маҳаллий мухлислар учун юқоридаги имтиёзни кўришимиз мумкин эди.
Ўзбекистонга қарши чорак финал учрашувида 68,895 кишилик "Ал Байт" стадионидан фақатгина 300 та чипта ҳамюртларимизга тақдим этилган эди.
