Bugun Osiyo kubogining yarim finalidan o‘rin olgan Qatar va Eron terma jamoalari o‘rtasidagi o‘yin oldidan eronlik muxlislar chiptalar taqsimoti bo‘yicha o‘z noroziligini bildirishmoqda.
44,400 kishiga mo‘ljallangan "Al Tumama" stadionidan eronlik muxlislar uchun bor-yo‘g‘i 1,000 ta chipta ajratilgan. Chiptalarning katta qismi mezbon jamoa sifatida mahalliy muxlislarga berilgan. Ammo, xalqaro musobaqalarda chipta taqsimlanayotganda "mezbon" yoki "mehmon" tushunchalari bo‘lmasligi lozim. O‘tgan yilgi Jahon chempionatida ham chiptalar taqsimotida mahalliy muxlislar uchun yuqoridagi imtiyozni ko‘rishimiz mumkin edi.
O‘zbekistonga qarshi chorak final uchrashuvida 68,895 kishilik "Al Bayt" stadionidan faqatgina 300 ta chipta hamyurtlarimizga taqdim etilgan edi.
