"Рома" ва Aргентина терма жамоаси ҳужумчиси Пауло Дибала мавсум охирида "Рома"ни тарк этиши мумкин.
Бу ҳақда Todofichajes портали саҳифаларида хабар берилди. Манбага кўра, 30 ёшли форвардда Испания чемпионатида ўйнаш имкониятлари бор.
Дибаланинг хизматларига Ла Лиганинг икки топ клуби қизиқиш билдирмоқда. Гап Каталониянинг “Барселона”си ва Мадриднинг “Aтлетико”си ҳақида кетмоқда.
Паулонинг Рим клуби билан шартномаси келаси йилнинг ўрталарига қадар амал қилади.
Transfermarkt портали унинг нархини 25 миллион еврога баҳоламоқда. A Сериянинг жорий мавсумида ҳужумчи 16 та ўйин ўтказиб, 8 та гол урди ва 6 та голли узатмани амалга оширди.
