Шанба куни Испания чемпионатида айни дамда турнир жадвалида биринчи ва иккинчи ўринларни эгаллаб турган "Реал Мадрид" ва "Жирона" клублари ўзаро куч синашади. “Реал Сосьедад”га қарши сўнгги ўйинда (0:0) Каталония жамоаси бош мураббийи Мичел ҳакамнинг қароридан норозилиги учун қизил карточка олди. Эндиликда "Жирона" бошқарувчиси икки ўйинга дисквалификаcия қилинди, дея хабар беради Spanish Sport.
Шу тариқа, Мичел Испания чемпионати доирасидаги "Реал" (10 февраль) ва "Атлетик" (19 февраль)га қарши ўйинларни ўтказиб юборади.
Қўшимча қилиб ўтамиз, айни дамда “Жирона”да 56, “Реал”да эса 58 очко бор.
