Мадриднинг “Реал” клуби ярим ҳимоячиси Тони Крооснинг онаси Бирджит Каммер ўғлининг келажаги ҳақидаги тахминлари билан ўртоқлашди.
Эслатиб ўтамиз, германиялик ярим ҳимоячининг "Қироллик клуби" билан шартномаси жорий мавсум охирида якунига етади.
"Агар Тони "Реал" билан шартномасини узайтирса, мураббийи ва ҳамкорларини ҳамда ўғли Леони хурсанд қилади. Лекин мен Тони ҳам бахтли бўлишини хоҳлайман, шунинг учун у ўзи учун энг яхши қарорни қабул қилиши керак. Биз унинг ҳар қандай танловини қабул қиламиз", - деди Крооснинг онаси Madrid Xtra билан суҳбатда.
Тони жорий мавсум Испания чемпионатида битта гол ва 7 та голли узатмани амалга оширди. Мадриднинг “Реал” клуби 34 ёшли ярим ҳимоячи билан шартномани узайтиришни истамоқда.
