"Реал" бош мураббийи Карло Анчелотти Испания чемпионати доирасида "Жирона"га қарши ўйин олдидан фикр билдирди.
Ҳозирда "Реал" Ла Лига турнир жадвалида пешқадамлик қилмоқда, "Жирона" эса икки очко ортда қолмоқда.
"Жирона" жуда яхши ҳаракат қилмоқда ва биз уларни жуда ҳурмат қиламиз. Улар мавсумни ажойиб ўтказишмоқда. Эртага ғалаба қозонсак, Ла Лигада устунликка эга бўлишимиз аниқ. Аммо олдинда ҳали узоқ масофа бор. Бу ўйинда чемпион аниқланмайди", - деди Анчелотти матбуот анжуманида.
"Реал Мадрид" - "Жирона" учрашуви 10 февраль куни Тошкент вақти билан соат 22:30да бошланади.
