Лондоннинг "Челси" клуби ўз таркибини кучайтириш учун жиддий маблағ сарфлашни давом эттирмоқчи.
Испаниянинг Sport нашри хабарига кўра, "кўклар" "Барселона"нинг энг яхши ярим ҳимоячиси Френки де Йог учун 100 миллион евро таклиф қилишга тайёр. Шу билан бирга, Relevo нашри 26 ёшли де Йонгнинг ўзи "Барселона"дан ёзги трансферга рози бўлгани ҳақида маълумотга эга.
Клуб ҳам молиявий аҳволнинг ноқулайлиги ва уни яхшилаш истагини инобатга олиб, бундай қадамни қўллаб-қувватламоқда.
2023/2024 йилги мавсумда Френки де Йонг "Барселона" сафида 22 та ўйин ўтказди. Уларда нидерландиялик футболчи битта гол урди.
