“Манчестер Сити” бош мураббийи Пеп Гвардиола жамоа муваффақиятида Кевин де Брюйне ва Эрлинг Холанднинг ҳиссасини юқори баҳолади. Бельгиялик ярим ҳимоячи ва норвегиялик ҳужумчи жиддий жароҳатлардан сўнг яқинда сафга қайтди.
АПЛ доирасида "Эвертон"га қарши ўйинда (2:0) Холанд иккита гол урди, 57-дақиқада захирадан майдонга тушган Де Брюйне голли узатмани амалга оширди.
“Уларсиз ўйинимиз унчалик ўзгармади, аммо бу болалар бизга ғалаба қозонишимизга ёрдам беришди. "Эвертон"га қарши ўйин ҳам бунинг исботидир. Бу иккисининг ўзига хос фазилатлари бор", - дея Гвардиоланинг сўзларини келтиради Siti Xtra.
