Хабарингиз бор, Қатарда ўтказилган Осиё кубогида мусобақа мезбонлари чемпионга айланди. Қатар терма жамоасининг энг иқтидорли футболчиси Акром Афиф чемпионатнинг энг яхши футболчиси дея эътироф этилди. Финал ўйинидан сўнг Акром Афиф журналистларнинг саволларига жавоб берди.
Афифга мусобақа давомидаги энг қийин ўйин қайси терма жамоага қарши ўтгани юзасидан савол берилди. Иқтидорли футболчи Ўзбекистонга қарши учрашув мусобақа доирасидаги энг қийини бўлганини қайд этди.
Албатта, терма жамоамиз гарчи чорак финалда ўз иштирокини якунлаган бўлсада, мусобақа ғолиби учун муносиб қаршилик кўрсатди. Яна шуни таъкидлаб ўтиш лозимки, мусобақанинг энг яхши футболчиси бўлган Афиф Осиё кубогидаги ҳар битта ўйинда камида биттадан гол урди ва голли вазиятлар яратди. У Ўзбекистон терма жамоасига қарши учрашувда ҳеч нарса қила олмади.
