Xabaringiz bor, Qatarda o‘tkazilgan Osiyo kubogida musobaqa mezbonlari chempionga aylandi. Qatar terma jamoasining eng iqtidorli futbolchisi Akrom Afif chempionatning eng yaxshi futbolchisi deya e’tirof etildi. Final o‘yinidan so‘ng Akrom Afif jurnalistlarning savollariga javob berdi.

Afifga musobaqa davomidagi eng qiyin o‘yin qaysi terma jamoaga qarshi o‘tgani yuzasidan savol berildi. Iqtidorli futbolchi O‘zbekistonga qarshi uchrashuv musobaqa doirasidagi eng qiyini bo‘lganini qayd etdi.

Albatta, terma jamoamiz garchi chorak finalda o‘z ishtirokini yakunlagan bo‘lsada, musobaqa g‘olibi uchun munosib qarshilik ko‘rsatdi. Yana shuni ta’kidlab o‘tish lozimki, musobaqaning eng yaxshi futbolchisi bo‘lgan Afif Osiyo kubogidagi har bitta o‘yinda kamida bittadan gol urdi va golli vaziyatlar yaratdi. U O‘zbekiston terma jamoasiga qarshi uchrashuvda hech narsa qila olmadi.