Хитойнинг «Шангхай Шенгхуа» клуби келишилган ўинларда иштирок этгани сабаб 2003 йилги чемпионлик унвонидан маҳрум қилинди. Бу ҳақда «Reuters» нашри хабар тарқатди.

Манбанинг маълум қилишича, шунингдек клуб 1 миллион юань (160 минг АҚШ доллари) жарима тўлови билан биргаликда кейинги мавсумни -6 очко билан бошлайдиган бўлишди.

Олиб борилган уч йиллик  текширувлар натижасида Хитой футбол федерацияси жами бўлиб 58 кишини жазолади. Уларнинг иккитаси илгари Хитой футбол федерациясида раҳбарлик лавозимида ишлаган бўлиб, улар бутун умрга футболдан четлатилишди. 2012 йилнинг июнида Нанг Юнг 237 минг доллар миқдорида пора олгани учун 10,5 йилга озодликдан маҳрум қилинганди. Унинг ўтмишдаги шериги Се Я Лунг ҳам шунча муддатга қамалганди.

33 киши умрининг сўнггига қадар футболда фаолият юрита олмайдиган бўлди. Уларнинг орасида ўз вақтида жаҳон чемпионатида ҳакамлик қилган, «Олтин хуштак» унвони билан тақдирланган ҳакам Лю Цзюнг ҳам бор.

33 кишилик рўйхатдан Хитой терма жамоасининг 4 нафар собиқ аъзолари ҳам бор. Улар ҳам 2012 йилнинг июнида судланган ва олти йил муддатга озодликдан маҳрум қилинганди.

Эслатиб ўтамиз, Серхио Батиста бош мураббийлигида жамоа ўтган мавсумда бор-йўғи 9-ўринни эгаллаганди.