Якшанба куни "Утрехт" Нидерландия чемпионати доирасида "Твенте"ни меҳмонда минимал 1:0 ҳисобида мағлуб этди. Шу тариқа, "Утрехт"нинг Нидерландия чемпионатидаги мағлубиятсиз серияси 14 та ўйинга етди – бу клуб рекорди.
Эредивизиянинг сўнгги 14 учрашувида "Утрехт" олтита ғалаба ва саккизта дуранг қайд этган. Жамоа охирги марта Нидерландия чемпионатида 6 октябрь куни мағлуб бўлганди.
"Утрехт" айни дамда Нидерландия чемпионати турнир жадвалида 9-ўринни эгаллаб турибди. Жамоа навбатдаги ўйинни 23 февраль, жума куни ўз майдонида "Хераклес"га қарши ўтказади.
