Yakshanba kuni "Utrext" Niderlandiya chempionati doirasida "Tvente"ni mehmonda minimal 1:0 hisobida mag‘lub etdi. Shu tariqa, "Utrext"ning Niderlandiya chempionatidagi mag‘lubiyatsiz seriyasi 14 ta o‘yinga yetdi – bu klub rekordi.
Erediviziyaning so‘nggi 14 uchrashuvida "Utrext" oltita g‘alaba va sakkizta durang qayd etgan. Jamoa oxirgi marta Niderlandiya chempionatida 6 oktyabr kuni mag‘lub bo‘lgandi.
"Utrext" ayni damda Niderlandiya chempionati turnir jadvalida 9-o‘rinni egallab turibdi. Jamoa navbatdagi o‘yinni 23 fevral, juma kuni o‘z maydonida "Xerakles"ga qarshi o‘tkazadi.
