АҚШ фигурали учиш федерацияси жуфтлик учишда ёш чегарасини камайтиришни таклиф қилди.

Ушбу масала 10-14 июнь кунлари Лас-Вегасда бўлиб ўтадиган Халқаро конкида учиш иттифоқи конгрессида муҳокама қилинади.

РИА Новости хабарига кўра, Америка томони бу йўналишда ёш чегарасини 16 ёшгача камайтиришни таклиф қилмоқда ва буни ушбу турнинг ўзига хос хусусиятлари билан изоҳлайди.

Қайд этилишича, ёш чегарасининг юқори бўлиши катталар ўртасидаги мусобақалар савиясини сезиларли даражада пасайишига олиб келиши мумкин.

Илгари катталар ўртасидаги турнирларда иштирокчиларнинг минимал ёши 15 ёш бўлган бўлса, 2024/25 йилги мавсумдан бошлаб у 17 ёшни ташкил қилади.