Жуня Ито ўзини жинсий зўравонликда айблаган икки аёл устидан судга мурожаат қилди. The Japan Times хабарига кўра, япониялик ва “Реймс” ярим ҳимоячиси душанба куни Осака округ судига 202 миллион иена (тахминан 1,25 миллион евро) товон пули талаб қилиб даъво аризасини киритган.

Футболчи томонининг таъкидлашича, аёллар унга (ва унинг мураббийига) нисбатан ёлғон айбловлар қўйган, бунинг натижасида ҳомийлар 30 ёшли ярим ҳимоячи билан шартномани бекор қилган. Ито молиявий товон талаб қилмоқда.

“Аёллар ғаразли мақсад билан ариза киритган: улар Осиё Кубоги вақтида Итога халақит бериш учун бу ишни қилган”, — деди футболчининг адвокатларидан бири.

Эслатиб ўтамиз, Daily Shincho нашри футболчи 2023 йил январь ойида Перуга қарши учрашувдан сўнг Осакадаги меҳмонхонада маст ҳолатда аёллар билан жинсий алоқа қилгани ҳақида хабар қилган эди. Шикоят аризаси эса Осиё Чемпионати давом этаётган пайтда киритилган. Шундан сўнг футболчининг руҳий ва жисмоний ҳолати ёмонлашгани важи билан миллий жамоани тарк этган эди.