Осиё Чемпионлар лигаси, нимчорак финали жавоб учрашуви доирасидаги “Ал-Иттиҳод” – “Навбаҳор” (2:1) жамоалари ўртасидаги ўйиндан кейинги матбуот анжуманининг иккинчи қисмида мезбонлар бош мураббийи Марсело Гальярдо қатнашиб, журналистларнинг саволларига жавоб берди. Қуйида унинг фикрларини эътиборингизга ҳавола этамиз.
- Ҳозир фақат ғалабадан завқ олишимиз керак, кейин эса миллий чемпионат доирасидаги “Ал-Ваҳда”га қарши кечадиган беллашув ҳақида ўйлаймиз. ОЧЛ чорак финали борасида ўйлашга ҳали эрта.
Биз кўп вазият яратдик, лекин голга айлантира олмадик. Мени қувонтирадиган жиҳат, жамоанинг бирдамлиги ва мақсадга эришиш қобилияти бўлди.
Бензема ва Ҳамдаллаҳ биргаликда ажойиб жуфтлик ҳосил қилишди ва яхши ўйин намойиш этишди.
Дастлаб ўз дарвозамиздан оғриқли тўп ўтказиб юбордик, аммо мувозанатни ўнглай олдик. Жамоа характер кўрсата олди, - деди “Ал-Иттиҳод” устози.
