Osiyo Chempionlar ligasi, nimchorak finali javob uchrashuvi doirasidagi “Al-Ittihod” – “Navbahor” (2:1) jamoalari o‘rtasidagi o‘yindan keyingi matbuot anjumanining ikkinchi qismida mezbonlar bosh murabbiyi Marselo Galyardo qatnashib, jurnalistlarning savollariga javob berdi. Quyida uning fikrlarini e’tiboringizga havola etamiz.
- Hozir faqat g‘alabadan zavq olishimiz kerak, keyin esa milliy chempionat doirasidagi “Al-Vahda”ga qarshi kechadigan bellashuv haqida o‘ylaymiz. OCHL chorak finali borasida o‘ylashga hali erta.
Biz ko‘p vaziyat yaratdik, lekin golga aylantira olmadik. Meni quvontiradigan jihat, jamoaning birdamligi va maqsadga erishish qobiliyati bo‘ldi.
Benzema va Hamdallah birgalikda ajoyib juftlik hosil qilishdi va yaxshi o‘yin namoyish etishdi.
Dastlab o‘z darvozamizdan og‘riqli to‘p o‘tkazib yubordik, ammo muvozanatni o‘nglay oldik. Jamoa xarakter ko‘rsata oldi, - dedi “Al-Ittihod” ustozi.
