Шанба куни «Астон Вилла» ўз уйида «Ноттингем Форест»га қарши ўйнади ва 4:2 ҳисобида ғалаба қозонди.
Биринчи бўлимнинг телекамераларга тушиб қолган эпизоди мухлислар ўртасида муҳокама мавзусига айланди.
Қайсидир пайт Бирмингем жамоаси бош мураббийи Унаи Эмери захира ўриндиғига ўгирилиб, Лука Диньга ишора қилди.
Футболчига яқинлашаркан, Эмери футбол майдонига ишора қилиб, французни қоралагандай бўлди. Балки испаниялик ўйиннинг айрим лаҳзаларини эмоционал тарзда ўз шогирдига етказгандир.
Лука Динь иккинчи бўлимда захирадан майдонга тушди ва ярим соатча вақтни майдонда ўтказди. Мураббий гапирган пайти у захирада эди.
