Каталониянинг «Барселона» клуби собиқ бош мураббийи Хосеп Гвардиола жамоа ҳимоячиси Пикенинг шахсий ҳаётини доимий равишда кузатиб борган. Бу ҳақда «Marca» нашри хабар тарқатмоқда.
Бунинг учун у «Барселона» клубининг хавфсизлик хизмати бўйича мураббий ёрдамчиси Хавьер Марторел орқали «Metodio 3» қидирув агентлиги хизматидан фойдаланган. Ўз навбатида Марторел клубдаги кўплаб футболчиларнинг шахсий ҳаёти борасида Гвардиолага ҳисобот бериб турган.
Гвардиола Пике ва бошқа футболчиларга кечқурунлари уйида эканини текшириш мақсадида кутилмаган қўнғироқларни амалга оширган. Мураббий футболчининг тун пайтида уйда бўлишига асосий эътиборни қаратган. Футболчиларнинг бошқа ишлар билан шуғулланиши футбол пайтида халақит бермаслиги керак деб ҳисоблаган.
Гвардиола бу борада Пикега алоҳида эътибор қаратган. Унинг колумбиялик қўшиқчи Шакира билан ишқий муносабат ўрнатиши унинг хавотирига сабаб бўлган. Пикенинг агенти клуб раҳбарларига футболчини номаълум одамлар кузатиб боришаётганини билдирган. Футболчининг ўзи ҳам бу борада Гвардиолага бир неча маротаба гапириб берган экан.