"Манчестер Сити" бош мураббийи Пеп Гвардиола "Манчестер Юнайтед" билан бўладиган дерби ҳақида гапирди.
"Ўз тажрибамдан келиб чиқиб, мен бу ўйинлар олдидан хотиржамроқ ва бўшашган бўлишни ўргандим. Кўп гапиришнинг ҳожати йўқ – фақат ғалаба қозониш учун тактика ва майдонда қилиш керак бўлган ишларга эътибор қаратиш керак. Ҳиссиётларга эркинлик бермаслик керак. "Манчестер Юнайтед" яқинда "Вулверхэмптон", "Лутон" ва "Астон Вилла"ни меҳмонда мағлуб этди. Буни амалга ошириш қанчалик қийинлигини биламиз. "Астон Вилла" майдонида ғалаба қозониш учун ажойиб сифатга эга бўлиш керак. "Манчестер Юнайтед"да доим шундай бўлган: улар яхши ўйнаса, ғалаба қозонишади. Улар 2024 йилда фақат битта мағлубиятга учради - ўтган ҳафта ўз уйида. Бу мавсумда улар кўрсатаётган изчиллик яққол кўриниб турибди. Лекин биз уч очко олишга ҳаракат қиламиз", - деди Гвардиола матбуот анжуманида.
