"Барселона" ёзги трансфер ойнасида жамоа ҳимоячиси Жюль Кунде ва ҳужумчи Рафинья Диасни сотмоқчи. Бу ҳақда журналист Луис Мигельсанц хабар бермоқда.
Манбанинг хабар беришича, икки машҳур футболчини сотиш орқали "Барселона" молиявий аҳволини яхшилаши мумкин, чунки Кунде ва Рафинья учун катта пул таклиф қилинади.
Ўтказилган 26 тур натижаларига кўра, "Барселона" 57 очко тўплаган ҳолда Испания чемпионати турнир жадвалида учинчи ўринни эгаллаб турибди.
Пешқадам “Реал”дан 8 очколик фарқ бор. 3 март куни "Барселона" сафарда "Атлетик" билан учрашади.
