Мадриднинг "Реал" клуби ҳужумчиси Винисиус Жуниор "Валенсия"га қарши баҳсда ҳакамни танқид қилгани учун жиддий жазоланиши мумкин.
Mundo Deportivo нашрининг хабарига кўра, бразилиялик футболчи ҳакамлар номига айтган сўзлари учун дисквалификация қилиниши мумкин. Манбанинг қайд этишича, агар унинг сўзлари юзасидан Испания футбол федерациясига шикоят юборилса, Жуниор жазоланиши мумкин.
Тартиб-интизом кодексига кўра, Винисиус 4 тадан 12 та ўйинга дисквалификация қилиниши, шунингдек, жаримага тортилиши мумкин.
"Месталья"даги учрашув 2:2 ҳисобида якунланди. Охирги ҳужумда Жуд Беллингем ғалаба қозониши мумкин бўлган голни урди, бироқ бош ҳакам бир неча сония олдин финал ҳуштагини чалди.
