"Манчестер Сити" ҳимоячиси Кайл Уокер Лондоннинг "Арсенал" жамоаси чемпионатда ғалаба қозона олмаслигига умид қилмоқда.
“Канонирлар” турнир жадвалида “Сити”дан атиги бир очко, “Ливерпуль”дан икки очко ортда қолиб, учинчи ўринда бормоқда. The Athletic қайд этишича, Уокер ўз жамоасининг икки рақиби ўртасида устунлик борлигини тан олди - "Ливерпуль" нисбатан яқинроқ. Англиялик футболчи "Тоттенхэм" билан алоқаси туфайли "Арсенал"нинг чемпион бўлишини истамайди.
Эслатиб ўтамиз, Кайл Уокер 2017 йилда "Манчестер Сити"га ўтишдан олдин айнан "Тоттенхэм"да ўйнаган эди. Футболчи саккиз йил давомида "шпорлар"га тегишли эди.
