"Барселона" бош мураббийи Хави Эрнандес "Наполи" устидан қозонилган ғалабадан сўнг (3:1) 17 ёшли Пау Кубарсининг ўйинини юқори баҳолади.
Ёш марказий ҳимоячи ўз жамоасига Чемпионлар лигасининг чорак финалига чиқишга ёрдам берди - айнан у учрашувнинг энг яхши ўйинчиси совринини олди.
“Кубарси умуман асабийлашмайди. У жуда хотиржам, тўпни аъло даражада назорат қилади, ҳужумкор комбинациялар ҳосил қилади, ҳимоячилар ва ҳужумчилар билан мулоқот қилади. Унинг ўйинини кўриш - чинакам завқ", - дея Хавининг ўйиндан кейинги интервьюсидан сўзларини келтиради Barca Universal.
Эслатиб ўтамиз, бугунги ўйин Пау Кубарсининг Чемпионлар лигасидаги дебюти бўлди.
