"Barselona" bosh murabbiyi Xavi Ernandes "Napoli" ustidan qozonilgan g‘alabadan so‘ng (3:1) 17 yoshli Pau Kubarsining o‘yinini yuqori baholadi.
Yosh markaziy himoyachi o‘z jamoasiga Chempionlar ligasining chorak finaliga chiqishga yordam berdi - aynan u uchrashuvning eng yaxshi o‘yinchisi sovrinini oldi.
“Kubarsi umuman asabiylashmaydi. U juda xotirjam, to‘pni a’lo darajada nazorat qiladi, hujumkor kombinasiyalar hosil qiladi, himoyachilar va hujumchilar bilan muloqot qiladi. Uning o‘yinini ko‘rish - chinakam zavq", - deya Xavining o‘yindan keyingi intervyusidan so‘zlarini keltiradi Barca Universal.
Eslatib o‘tamiz, bugungi o‘yin Pau Kubarsining Chempionlar ligasidagi debyuti bo‘ldi.
