"Арсенал" бош мураббийи Микель Артета жамоа ҳимоячиси Бен Уайт билан шартномани узайтириш ҳақида фикр билдирди. 26 ёшли футболчининг клуб билан тузган янги меҳнат шартномаси 2028 йилнинг ёзига қадар мўлжалланган.
"Бен Уайт – "Арсенал"нинг асосий ўйинчиси, ҳақиқий футболчи ғалаба қозонадиган менталитетга эга профессионал ва ҳар куни бошқаларга ўрнак бўладиган йигитлардан бири", - деди Артета.
Уайт “канонирлар” сафида 2021 йилдан буён ўйнаб келмоқда. Жорий мавсумда футболчи барча турнирларда 39 та ўйинда қатнашиб, иккита гол урди ва тўртта голли узатмани амалга оширди.
