"Интер Майами" раҳбарияти Лионель Мессининг яқинда олган жароҳатидан кейинги ҳолати ҳақида расмий ҳисобот эълон қилди. Аргентиналик юлдуз КОНКАКАФ Чемпионлар кубоги доирасидаги “Нешвилл”га қарши ўйиннинг (3:1) 50-дақиқасида алмаштирилган эди.
36 ёшли футболчи жароҳат олди, шу сабабли у "ДC Юнайтед"га қарши бўлиб ўтадиган ўйинни ўтказиб юбориши кутилганди.
"Тиббий кўрикдан сўнг, Лионель Месси ўнг оёғининг сон қисмидан енгил жароҳат олгани аниқланди, бунинг натижасида унинг 16 март куни майдонга тушиши кутилмайди", - дея клуб сўзларини келтирган журналист Хосе Армандо.
