"Манчестер Юнайтед" ҳужумчиси Маркус Рэшфорд сўнгги ҳафталарда "ПСЖ"га ўтиши ҳақида миш-мишлар тарқалди. Бироқ, инглиз футболчиси агар таклиф олса, бу таклифни рад этиш ниятида. Transfer News Live'нинг Sun Sport нашрига таяниб хабар беришича, Рэшфорд "қизил иблислар" таркибида қолишни афзал кўрмоқда.
2023/2024 йилги мавсумда Маркус Рэшфорд 35 та расмий ўйинда майдонга тушиб, 8 та гол урди ва шерикларига 6 та голли узатма берди. Transfermarkt портали мутахассислари 26 ёшли футболчини 60 миллион еврога баҳоламоқда. Рэшфорднинг амалдаги шартномаси 2028 йилнинг ўрталарига қадар мўлжалланган.
