"Manchester Yunayted" hujumchisi Markus Reshford so‘nggi haftalarda "PSJ"ga o‘tishi haqida mish-mishlar tarqaldi. Biroq, ingliz futbolchisi agar taklif olsa, bu taklifni rad etish niyatida. Transfer News Live'ning Sun Sport nashriga tayanib xabar berishicha, Reshford "qizil iblislar" tarkibida qolishni afzal ko‘rmoqda.
2023/2024 yilgi mavsumda Markus Reshford 35 ta rasmiy o‘yinda maydonga tushib, 8 ta gol urdi va sheriklariga 6 ta golli uzatma berdi. Transfermarkt portali mutaxassislari 26 yoshli futbolchini 60 million yevroga baholamoqda. Reshfordning amaldagi shartnomasi 2028 yilning o‘rtalariga qadar mo‘ljallangan.
