"Реал" бош мураббийи Карло Анчелотти ҳуқуқлари "Челси"га тегишли бўлган дарвозабон Кепа Аррисабалага билан унинг клубдаги келажаги ҳақида суҳбатлашди.

Кепа Аррисабалага "Реал Мадрид"нинг асосий таркибидаги ўрнини украиналик Андрей Лунинга бой берди ва сўнгги 11 учрашувни захирада ўтказди.

Realmadridexclusivo хабарига кўра, Тибо Куртуа қайтиб келгач, Кепа жамоадаги "учинчи дарвозабон" позициясига кўчирилади.

Мадриднинг “Реал” клуби бош мураббийи Карло Анчелотти бу ҳолатни испаниялик дарвозабонга шахсан тушунтириб, “қироллик” клубида ҳам, “Челси”да ҳам рақобатни бой беришига сабаб бўлган ўйинидаги камчиликларни айтиб ўтган.

Маълумотларга кўра, клуб Кепанинг жорий мавсум якунида жамоани тарк этишига аллақачон қарор қилган.