Дани Алвес бугун гаровни тўлаши мумкин, бунинг учун у кредит олмоқчи.
"Барселона"нинг собиқ ҳимоячиси тунги клубда бир қизни зўрлаганликда айбдор деб топилиб, 4,5 йил ва яна 5 йил синов муддатига ҳукм қилинди. Шунингдек, у жабрланувчига 150 минг евро тўлашга ва 9,5 йил давомида унга яқинлашмасликка мажбур.
Бугун Барселона суди Бразилия терма жамоасининг собиқ футболчисини ҳукм кучга киргунга қадар 1 миллион евро миқдорида гаров эвазига қўйиб юборишга қарор қилди.
La Vanguardia хабарига кўра, футболчининг адвокатлари пайшанба куни бир нечта банкларга мурожаат қилиб, гаровни тўлаш учун кредит сўрашган.
Баъзи банклар обрўсига путур етказганлиги сабабли Алвесга кредит беришдан бош тортдилар, бироқ пайшанба куни кечқурун улардан бири транзакцияни амалга оширишга рози бўлди. Кечиктирилган розилик туфайли операцияни кеча амалга ошириб бўлмади. Балки бугун пуллар гаровга қўйилиб, Алвес қамоқдан чиқади.
