Хабар бериб ўтганимиздек, БАА миллий терма жамоаси Осиё кубоги-2015 саралаш ўйини доирасида Ўзбекистонга қарши ўйинга тайёргарликни бошлаб юборди. Маҳди Али ушбу йиғинга таклиф этилган 23 нафар футболчининг рўйхатини эълон қилди.

Вьетнамга қарши бўлиб ўтган 1-тур ўйинига тайёргарлик кўрган таркиб билан солиштирганда, битта ўзгариш бор. Чап қанот ярим ҳимоячиси Абдуллоҳ Муса ("Ал-Жазийра") ўрнига ёш Ҳасан Иброҳим йиғинга кўшилган. Ушбу футболчи БАА олимпия терма жамоасида тўп сурган. "Оқлар" (БАА лақаби) Абу-Дабидаги Rocco Forte Hotels меҳмонхонасида йиғилишди ва 19 мартга қадар Madinat Zayed Stadium стадионида машғулотлар олиб боришади.

БАА бош мураббийи Маҳди Али томонидан йиғинга жалб қилинган футболчилар рўйхати:
Абдулазиз Ҳайкал, Абдулазиз Санқур, Исмоил ал-Ҳаммадий, Аҳмад Халил, Мажид Ҳасан, Муҳаммад Фавзий, Амир Абдулраҳмон, Хаббуш Солиҳ, Али Хасиф, Холид Иссо, Али ал-Амирий, Хамис Исмоил, Али Мабхут, Волид Аббос, Ҳасан Иброҳим, Муҳаммад Аҳмад, Давид Довуд Сулаймон, Муҳаннад ал-Анзий, Умар Абдулраҳмон, Ҳабиб Фардан, Ҳамдан ал-Камолий, Саид ал-Катирий ва Исмоил Матар

Эслатиб ўтамиз, БАА ва Ўзбекистон терма жамоалари ўртасидаги баҳс 22 март куни соат 18:45да (Тошкент вақти билан) бошланади. 1-турдан сўнг БАА ҳисобида 3, Ўзбекистонда эса 1 очко мавжуд.