Мавсумни “Фрозиноне”да ўтказаётган “Ювентус” ҳужумчиси Матиас Суле Англияга кўчиб ўтиши мумкин.
20 ёшли футболчи "Фрозиноне"да ажойиб ўйин кўрсатмоқда, бироқ унинг "Ювентус"даги келажаги шубҳа остида қолмоқда. Tuttosport хабарига кўра, аргентиналик футболчини Англиянинг "Кристал Пэлас", "Ньюкасл" ва "Брентфорд" клублари кузатиб бормоқда. Туринликлар келаси ёзда умидли футболчи билан молиявий қийинчиликлар ва унга асосий таркибдан жой олишга кафолат беришни истамагани учун хайрлашиши мумкин.
Матиас Суле жорий А Серияда 27 учрашувда ўнта гол ва иккита голли узатмага муаллифлик қилган. Transfermarkt портали маълумотларига кўра, ҳужумчининг нархи 25 миллион еврони ташкил қилади.
