Футзал бўйича Ўзбекистон чемпионатининг жорий мавсуми ўзининг ҳал қилувчи палласига кириб бормоқда. Бош соврин учун курашда энди фақат тўрт клуб қолди. Гуруҳ ва чорак финал босқичи якунига кўра, Тошкентнинг бирданига учта жамоаси – «Ардус», «Локомотив» ва «Бунёдкор», шунингдек, Тошкент вилоятининг «Максам-Чирчиқ» жамоалари мамлакатнинг энг кучли тўрт жамоаси қаторига киришди.

Тез орада, аниқроғи, 15-17 март кунлари VII Ўзбекистон чемпионати финалчилари номлари маълум бўлади. Тошкентдаги «Ўзбекистон» спорт мажмуасида ўтказиладиган ярим финал баҳсларида қуйидаги жуфтликлар ўзаро тўқнашади: «Локомотив» – «Максам-Чирчиқ» ва «Ардус» – «Бунёдкор».

Қўшимча сифатида, Ўзбекистон чемпионати ярим финал ўйинлари плей-офф тизимида ўтказилади ва унда жамоалар иккита ғалабагача тўп суришади. Акс ҳолда, қўшимча учинчи ўйин ўтказилади.

Футзал бўйича Ўзбекистон чемпионати
Ярим финал учрашувлари
15 март, жума
14:00. Локомотив – Максам-Чирчиқ
16:00. Ардус – Бунёдкор

16 март, шанба
14:00. Локомотив – Максам-Чирчиқ
16:00. Ардус – Бунёдкор
________________________________

17 март, якшанба
14:00. Локомотив – Максам-Чирчиқ
16:00. Ардус – Бунёдкор